ඔබට මේ සතියේ නිවසේ සිට උත්සාහ කළ හැකි මසූර් පරිප්පු ෆේස් පැක් 7 ක්

Dal Face Pack Cover

විවිධ වර්ගයේ පරිප්පු ස්වභාවික ෆේස් පැක් ලෙස  භාවිතා කරන්න පුලුවන්. අද අපි සාකච්ඡා කරනුයේ ‘මසූර් පරිප්පු’ ෆේස් පැක් ලෙස භාවිතා කරන ආකාරය ගැනයි.

ඔබට රතු පරිප්පු කුඩු බවට අඹරා පිරිසිදු, වියළි බඳුනක වාතය ඇතුලු නොවන පරිදි ගබඩා කළ හැකිය. ඔබට ෆේස් පැක් සකස් කිරීමට අවශ්‍ය සෑම අවස්ථාවකම මෙය භාවිතා කළ හැකිය.

සම රැකවරණය සඳහා මසූර් පරිප්පු ෆේස් පැක් 7ක්

1. ඕනෑම දෙයකට ගැලපෙන ෆේස් පැක් එක

මෙම මසූර් පරිප්පු ෆේස් පැක් එක මැරුණු සම ඉවත් කිරීමට, සිදුරු කුඩා කිරීමට, සම පැහැපත් කිරීමට සහ දුඹුරු පැල්ලම් ඉවත් කිරීමට භාවිතා කරයි. 
මෙම මාස්ක් එක සම පිරිසිදු කරයි, මෘදු කරයි, පෝෂණය කරයි, සමේ තෙල් අවම කර කුරුලෑ ඇතිවීම වළකයි.

🔹ක්‍රමය:

මසූර් පරිප්පු එක රැයකින් පොඟවා ගන්න.
උදෑසන එය අඹරාගෙන ඝන පේස්ට් එකක් සාදාගන්න.
කිරි කෝප්ප 1/3 ක් එක් කරන්න
මේවා හොඳින් මිශ්‍ර කරන්න.
රවුම් ආකාරයට (circular motions) මුහුණේ ආලේප කරන්න
මිනිත්තු 20 ක් එය තබා ගන්න.
සෝදා ඉවත්කර සම වියළා ගන්න.

2. දිනපතා මුහුණු සේදීමට ෆේස් වොෂ් එකක් ලෙස

මෙම ෆේස් පැක් එක සියලුම සම වර්ග සඳහා සුදුසු වේ. මෙය දෛනික මුහුණු සේදීමේදී ෆේස් වොෂ් එකක් ලෙසද භාවිතා කළ හැකිය.

🔹ක්‍රමය:

කුඩු කරගත් මසූර් පරිප්පු තේහැදි 1ක්, කිරි තේහැදි 2ක් සහ පොල්තෙල් බින්දු 3 ක් සමග කහ ස්වල්පයක් මිශ්‍ර කරන්න.
එය මුහුණේ ඒකාකාරව ආලේප කරන්න.
ආලේප කර විනාඩි 2 ක් තබන්න
මෙය මෘදු ලෙස සෙමින් සෝදා හරින්න
සටහන: පොල්තෙල් එකතු කරන්නේ ඔබට වියළි සමක් ඇත්නම් පමණි.

3. සම දීප්තිමත් කරන ෆේස් පැක් එක

මසූර් පරිප්පු වලන් සාදාගන්නා මෙම ෆේස් පැක් එක මගින් සමේ දීප්තිය ඇති කරයි, අඳුරු පැල්ලම් ඉවත් කරයි, වියළි සම සහ කුරුලෑ සුව කරයි.

🔹ක්‍රමය:

මසූර් පරිප්පු ග්‍රෑම් 50 ක් එක රැයක් වතුරේ පොඟවා ගන්න.
උදෑසන එය සිහින් පේස්ට් එකකට අඹරන්න.
එයට කිරි තේ හැඳි 1ක් සහ ආමන්ඩ් තෙල් තේ හැඳි 1ක් මිශ්‍ර කරන්න.
මෙම ෆේස් පැක් එක ඔබේ මුහුණේ ඒකාකාරව ආලේප කරන්න
මිනිත්තු 15-20 ක් තබන්න.
සීතල වතුරෙන් සෝදා හරින්න.

4. වියළි සමට ෆේස් පැක් එකක්

මෙම මසුර් පරිප්පු ෆේස් පැක් එක වියළි සම සඳහා වඩාත් සුදුසු වේ.

🔹ක්‍රමය:

මසූර් පරිප්පු තේහැඳි 2ක් කිරි ටිකකට එක්කර රැයක් පොඟවා ගන්න.
මෙය උදේ පේස්ට් එකක් ලෙස අඹරන්න
මුහුණ සහ බෙල්ල පුරා ඒකාකාරව ආලේප කරන්න
මිනිත්තු 20 ක් තබා ගන්න
සෝදා වියළා ගන්න

සටහන - ඔබට තෙල් සහිත සමක් ඇත්නම් කිරි වෙනුවට රෝස වතුර භාවිතා කළ හැකිය.

Dal And Milk

5. මුහුණේ ඇති රෝම ඉවත් කිරීමේ ෆේස් පැක් එකක්

මෙම මසූර් පරිප්පු ෆේස් පැක් එක ඔබේ සම සැහැල්ලු කර ගැනීමට සහ මුහුණේ ඇති සිහින් රෝම ඉවත් කිරීමට උපකාරී වේ. මෙම ෆේස් පැක් එකේ ඇති දොඩම් ලෙලි මගින් සමට දීප්තිමත් පැහැයක් ලබා ගැනීමට උපකාරී වේ.

🔹ක්‍රමය:

ග්‍රෑම් 100 ක මසූර් පරිප්පු, ග්‍රෑම් 50 සඳුන් කුඩු සහ දොඩම් ලෙලි කුඩු ගෙන ඒවා රැයක් පුරාවට කිරිවල බහා පොඟවා ගන්න.
උදෑසන සිනිඳු පේස්ට් එකක් සාදා ගැනීම සඳහා සියලු අමුද්රව්ය එකට අඹරන්න.
මෙම පේස්ට් තට්ටුවක් මුහුණේ ආලේප කරන්න.
මුහුණේ විනාඩි 15-20 අතර කාලයක් වියළීමට ඉඩ දෙන්න.
රවුම් චලිතයකින් (circular motions) වියළන ලද තට්ටුව මෘදු ලෙස අතුල්ලන්න
මෙය ඉවත් කිරීම සඳහා ඔබට ඔලිව් තෙල් ද භාවිතා කළ හැකිය
සීතල වතුරෙන් සෝදා හරින්න.

6. අඳුරු සමට ෆේස් පැක් එකක්

මෙම ෆේස් පැක් එක මගින් අඳුරු සමට දීප්තියක් එක් කරයි.

🔹ක්‍රමය:

තැඹිලි පරිප්පු / මසූර් පරිප්පු රෝස් කරන්න
වියළි දොඩම් ලෙලි සමාන අනුපාතයකින් ගන්න
කිරි සමග සිහින් පේස්ට් එකක් ලෙස අඹරන්න.
මුහුණේ ඒකාකාරව ආලේප කරන්න
මිනිත්තු 15 ක් එය තබා ගන්න
සෝදා වියළා ගන්න.

Dal And Orange Peel

7. සමේ සිදුරු තද කරන/ කුඩා කරන ෆේස් පැක් එක

ඔබේ මුහුණේ සමේ ඇති සිදුරු තද කර ගැනීමට මෙම මසූර් පරිප්පු ඇසුරුම ප්‍රයෝජනවත් වේ.

🔹ක්‍රමය:

මසූර් පරිප්පු අඹරන්න.
මුහුණේ සහ බෙල්ලේ ඒකාකාරව ආලේප කරන්න.
එය වියළීමට ඉඩ දෙන්න
සීතල වතුරෙන් සෝදා හරින්න.

ඉහත සඳහන් ඕනෑම ෆේස් පැක් එකක් අත්හදා බැලූ පසු ඔබේ අත්දැකීම් අප සමඟ බෙදා ගන්න. කොමෙන්ට් කරන්න.

~ස්වාභාවික සුවය~රූ රහස්~
(අවසරයකින් තොරව උපුටාගැනීම තහනම්)